ՄՕԿ  - ի  հրավերով օլիմպիական շարժման ղեկավարները մասնակցել են  իններորդ  առցանց գագաթնաժողովին։

Քննարկվել են  բազմաթիվ հարցեր։

Գագաթնաժողովի մասնակիցները վստահություն են հայտնել  Տոկիոյում 2021թ․ հուլիսի 23-ին մեկնարկելիք  անվտանգ օլիմպիական խաղերի հաջող կազմակերպման հարցում։

Գերխնդիրը շարունակում է մնալ մասնակիցների առողջությունն ու անվտանգությունը։ Մշակվում են  կորոնավիրուսի վարակի դեմ պայքարի համապատասխան միջոցառումներ ,  հաշվի առնելով իրավիճակի զարգացման բոլոր հնարավոր սցենարները: 

ՄՕԿ –ը  երախտագիտություն է հայտնել Ճապոնիայի   կառավարությանը և << Տոկիո -2020 >> կազմկոմիտեին ՝  COVID-19- ի դեմ պայքարում կատարված աշխատանքների համար։ Օլիմպիական խաղերում կօգտագործվեն արագ թեստավորման  մեթոդներ ու  պատվաստանյութեր։

Համաշխարհային հակադոպինգային գործակալության  / WADA / ղեկավար Վիտոլդ Բանկան խոսել է կազմակերպության կառավարման բարեփոխումների մասին: Կարևորվել է  WADA- ի, Լոզանի սպորտային արբիտրաժային դատարանի և միջազգային ֆեդերացիաների սերտ համագործակցության անհրաժեշտությունը: 

<< Օլիմպիական օրակարգ – 2020 >> -ի   վերաբերյալ ամբողջական զեկույցը կներկայացվի  ՄՕԿ-ի 137-րդ նստաշրջանում, որը նախատեսված է Աթենքում,  2021թ․  մարտին։

Լսվել է   նաև << Պեկին -  2022 >>  կազմկոմիտեի  զեկույցը։  Տեղեկացվել է  ձմեռային խաղերի համար նախատեսված  համավարակի դեմ կատարվող  քայլերի և մրցումների  նախապատրաստական աշխատանքների մասին։