2022թ․  ձմեռային օլիմպիական խաղերի բժշկական կենտրոնի կառուցումը կավարտվի նախատեսված ժամկետից շուտ։ Արդեն պատրաստ  են  հիվանդանոցը  և բուժկենտրոնը։ Տեղադրվել  են  ժամանակակից սարքավորումներ, որոնք համապատասխանում են բոլոր չափանիշներին: Հիվանդանոցն ունի հարմարավետ սենյակներ, վիրաբուժարաններ և մասնագիտական  18 բաժանմունք: 

Խաղերի ընթացքում մարզիկներին, աշխատակիցներին և  հյուրերին կտրամադրվի բարձրորակ բժշկական օգնություն: 

Ակնկալվում է, որ օլիմպիական խաղերից հետո կլինիկան կծառայի  ձմեռային մարզաձևերում վնասվածքների կանխարգելման, մարզիկներին առաջին բուժօգնության, ախտորոշման և վերականգնման վերաբերյալ հետազոտություններ անցկացնելուն։

Ձմեռային օլիմպիական խաղերի մասնակիցներին օպերատիվ  օգնություն ցուցաբերելու համար կգործի փրկարարական թիմ, որում ընդգրկված կլինեն Պեկինի հիվանդանոցների  101 մասնագետներ։