ԼՈՆԴՈՆՈՒՄ ՆԱԽԱՄՐՑՈՒՄԱՅԻՆ ՄԹՆՈԼՈՐՏ Է
Ինչպես հայտնի է, ՀՀ բռնցքամարտի հավաքականը գտնվում է Լոնդոնում: Գլխավոր մարզիչ Ռաֆայել Մեհրաբյանը հեռախոսազրույցում ասաց, որ համապատասխան ծրագրով թիմը մարզվում է, նախապատրաստվում վաղը սկսվելիք մրցումներին:
Այսօր ` մարտի 13 –ին, Լոնդոնի ժամանակով 16. 00 – 18. 00 –ը, տեղի կունենա վիճակահանությունը և հայտնի կդառնան մեր տղաների մրցակիցները: Մինչ այդ, պատվիրակության ղեկավար, բռնցքամարտի հայկական ազգային ֆեդերացիայի նախագահ Հովհաննես Հովսեփյանը կմասնակցի ժամը 13. 00 –ին կազմկոմիտեի նշանակած խորհրդակցությանը:
Ռ. Մեհրաբյանը կորոնավիրուսի վերաբերյալ մեր հարցին, պատասխանեց, որ բոլոր թիմերի մոտ որոշակի լարվածություն, անհանգստություն է նկատվում: Բայց կա հսկողություն, համապատասխան ոլորտների սպասարկում: Հուսանք , որ ամեն բան լավ կլինի, մրցաշարը բարեհաջող ընթացք և ավարտ կունենա:
