ՀՀ բռնցքամարտի հավաքականը  փետրվարի 2-ի լուսադեմին կմեկնի Ուկրաինայի Իվանո - Ֆրանկովսկ քաղաք:Այնտեղ մեր թիմը համատեղ ուսումնամարզական  հավաք կանցկացնի Չեխիայի, Լեհաստանի, Բելառուսի և Ուկրաինայի ընտրանիների հետ: Ավարտին մերոնք նաև ընկերական հանդիպումներ կանցկացնեն  և փետրվարի 19-ին կվերադառնան Երևան:

Գլխավոր մարզիչ, ԽՍՀՄ վաստակավոր մարզիչ Ռաֆայել Մեհրաբյանի և նրա  ղեկավարած մարզչական կազմի  հետ հավաքի կմեկնեն   Արթուր Հովհաննիսյանը  / 52 կգ /, Կորյուն Սողոմոնյանը / 52 կգ /, Արթուր Բազեյանը  / 57 կգ /, Հովհաննես Բաչկովը  /63 կգ /, Գուրգեն Մադոյանը  / 69 կգ/ , Արմեն Մաշակալյանը  /69 կգ /, Արման Դարչինյանը  / 75 կգ /, Գոռ Ներսիսյանը  / 81 կգ /, Նարեկ Մանասյանը  /91 կգ / ու Գուրգեն Մադոյանը  /+91 կգ /, ինչպես նաև մարզուհիներ  Անուշ Գրիգորյանը  / 51 կգ / և Անի Հովսեփյանը  / 69 կգ /:

Ռ. Մեհրաբյանը զրույցի ժամանակ ասաց ,որ նպատակը Տոկիոյում հուլիսի 24 –ին մեկնարկելիք օլիմպիական խաղերում հնարավորիս շատ մասնակից ունենալն է: Տղաները պետք է պայքարեն  Լոնդոնում մարտի 14-24-ը ու Փարիզում մայիսի 13-24-ը անցկացվելիք միջազգային վարկանիշային մրցաշարերում հաջողության հասնելու և  ուղեգրեր նվաճելու համար: