Դահուկասահքի Հայաստանի կանանց հավաքականն ավարտեց ելույթները Եվրոպայի տարածաշրջանային գավաթում

16:15 - 21 Դեկ, 2015

Դահուկասահքի Հայաստանի կանանց հավաքանն ավարտեց ելույթներն Ավստրիայում կայացած կենտրոնական Եվրոպայի երկրների տարածաշրջանային գավաթում:

Մրցումային առաջին օրը Հայաստանի 3 ներկայացուցիչներից 1,2 կմ ազատ ոճի արագավազքում Լիլիթ Տոնոյանը 43-րդն էր, իսկ Կատյա Գալստյանը՝ 44-րդը,  ընդհանուր 44 մասնակիցներից: Մինչև 20 տարեկանների պայքարում Աննա Մխիթարյանը զբաղեցրել է 70-րդ հորիզոնականը՝ 80 մասնակցից:

Ազատ ոճի 5 կմ տարածությունն Աննա Մխիթարյանը հաղթահարել է վերջինը՝ 46-րդը: 10 կմ չմշկային ոճում Լիլիթ Տոնոյանը 42-րդն, իսկ Կատյա Գալստյանը՝ 39-րդը էին. ընդհանուր 44 մասնակցից: ՀԱՕԿ-ի լրատվության բաժնին այս մասին տեղեկացրին Հայաստանի դահուկավազքի ֆեդերացիայից:

Դասական վազքում Աննա Մխիթարյանը վերջինն էր մինչև 20 տարեկանների շարքում, իսկ մեծահասակների պայքարում Կատյա Գալստյանը 35-րդն էր, Լիլիթ Տոնոյանը՝ 38-րդը: 

ՀԱՕԿ լրատվության բաժին  

Այլ նորություններ