ՀԲԽ․ Մարմնամարզիկ Արթուր Ավետիսյանը՝ բրոնզե մեդալակիր

14:40 - 25 Հոկ, 2019

Մարմնամարզիկ Արթուր Ավետիսյանը դարձել է Չինաստանի Ուհան քաղաքում ընթացող Համաշխարհային բանակային խաղերի բրոնզե մեդալակիր։

Հայ մարմնամարզիկը օղակների վարժությունում վաստակել է 14,633 միավոր։ Հավաքականի մյուս անդամ Վահագն Դավթյանը 14,533 միավորով չորրորդն է։

Վարժությունում ոսկե մեդալ է նվաճել չինացի Յան Լյունը (15,133), արծաթե մեդալակիր է դարձել բրազիլացի Արթուր Զանետին՝ 14,700 մավորով։

Նժույգի թափեր վարժությունում Հարություն Մերդինյանը զբաղեցրել է չորրորդ տեղը՝ հավաքելով 13,833 միավոր։ Հայ մարմնամարզիկը բրոնզե մեդալակիր դարձած բրազիլացի Ֆրանցիսկո Բառետոյին զիջել է ընդամենը 0,033 միավոր։

Ավելի վաղ, Համաշխարհային բանակային խաղերում բրոնզե մեդալ էր նվաճել ազատ ոճային ըմբիշ Մհեր Մարկոսյանը։

Այլ նորություններ