Օլիմպիական նախաքայլեր

10:45 - 08 Փետ, 2019

2018թ. նոյեմբերի 30-ից սամբո մարզաձևը միջազգային օլիմպիական կոմիտեի կողմից ժամանակավոր ճանաչում է ստացել:  Սա ենթադրում է, որ առաջիկա երեք տարիներին  պետք է պահպանվեն օլիմպիական կանոններն ու   օրենքները, ինչը կնպաստի   մարզաձևը  օլիմպիական խաղերի ցանկում ընդգրկելու համար:

Հայաստանի սամբոյի ֆեդերացիան  քայլեր է ձեռնարկում պայմանական փորձաշրջանը պատվով անցնելու և պահանջվող չափանիշները բավարարելու համար:

Այդ առիթվ  մարզաձևի  ֆեդերացիան առաջատար  մարզիկների, մարզիչների, մրցավարների, թիմերի ներկայացուցիչների համար 2019թ. փետրվարի 9-ին, ժամը 12.00-ին  << Անի պլազայի >>  << Նաիրի >>  դահլիճում կազմակերպում է  միջազգային չափանիշներին համապատասխան սեմինար պարապմունք:

Միջազգային  կարգի էքստրա դասի  մրցավար Էդվարդ Ասլանյանը ունկնդիրներին կներկայացնի  մրցավարությունում գործող կանոնները և նոր կատարված փոփոխությունները:

Միջազգային կարգի մեկ այլ մրցավար ` Արշալույս Բալյանը կխոսի կարգապահական հարցերի շուրջ:

Մրցումների կազմակերպման  հարցերի մասին  մանրամասներ կներկայացնի  ՀՍՖ  միջոցառումների անցկացման պատասխանատու Մարիամ Հովհաննիսյանը:

Վերջում միջոցառումը կամփոփի ՀՀ սամբոյի ֆեդերացիայի նախագահ Միքայել Հայրապետյանը:

Լրատվամիջոցների  ներկայացուցիչների մուտքն ազատ է:

 

ՀԱՕԿ լրատվական բաժին

 

 

Այլ նորություններ