Տոկիոն շարունակում է նախապատրաստվել  2020թ. ամառային օլիմպիական խաղերին:

Դեռևս 2017թ. ճապոնիայի իշխանությունները սկսել են մի ծրագիր, որով կոչ է արվել հավաքել  չօգտագործվող էլեկտրոնային սարքերը: Նրանցում եղած արժեքավոր մետաղներից են պատրաստվելու օլիմպիական մեդալները:

Գաղափարի  շնորհիվ երկրի բնակիչները իրենց ավանդն են բերում   շրջակա  միջավայրի պահպանմանը և  աջակցում են նաև  օլիմպիական խաղերի կազմակերպման գործին:

Այս առիթով կազմակերպված միջոցառմանը մասնակցել են ՄՕԿ –ի նախագահ Թոմաս Բախը և Տոկիոյի քաղաքապետ Յուրիկո Կոիկեն: Արդեն հավաքվել է երեք տոննա բրոնզ, որը բավարար է մեդալների ամբողջ հավաքածուի ձուլման համար: Իսկ ահա ոսկու  և արծաթի  անհրաժեշտ քանակի կեսն է առայժմ  հավաքվել, համապատասխանաբար` 16,5 և 1800 կգ: Նախագծի հեղինակները կարծում են , որ պակասը կլրացվի  մինչև եկող տարվա մարտի վերջը:

Հետաքրքիր է, որ օլիմպիական մրցանակակիրներից որևէ մեկին կհանձնվի այն մեդալը, որը պատրաստված կլինի . . . ՄՕԿ –ի նախագահի հանձնած բջջային հեռախոսում եղած ազնիվ մետաղներից:

<< Տոկիո – 2020 >> -ի մեդալների նմուշները կներկայացվեն 2019թ.:

ՀԱՕԿ  լրատվական բաժին