Արթուր Գեւորգյան. Օլիմպավանն ունի միջազգային մակարդակի պայմաններ

20:18 - 11 Նոյ, 2017

Օլիմպավանում երեկ կայացած Հայաստանի բռնցքամարտի ֆեդերացիայի համաժողովում նախագահ Արթուր Գեւորգյանը մանրամասն խոսեց հավաքականների որոշ մարզիչների աշխատանքի որակի մասին, անընդունելի համարեց պաճառաբանությունները, թե ֆինանսներ չկան, հավաքներ չեն անցկացվում, մարզումային պայմաններ չկան:

«Մոռացեք այդ խոսակցությունները, գումար միշտ եղել է: Ինչ ծրագիր ներկայացրել եք, ֆեդերացիան կատարել է: Այս շենքը, որտեղ հիմա նստած համաժողով ենք անում, եւ հավաքական թիմը մարզվում է, դա էլ է ձեռքբերում:

Օլիմպավանն ունի միջազգային մակարդակի մարզադահլիճ, որտեղ մարզվում է ազգային հավաքականը: Մենք հավաքներ անցկացնելու իդեալական պայմաններ ունենք Օլիմպավանում: Բոլոր պայմաններն ստեղծված են մեր մարզիկների համար: Նման պայմաններ երբեւէ չի եղել: Մնում է աշխատել եւ լավ աշխատել», - հայտարարեց Արթուր Գեւորգյանը:

Այլ նորություններ