Գոռ Մինասյան. ՀԱՕԿ նախագահի ուշադրությունը շատ է ոգեւորում

15:00 - 23 Հոկ, 2017

«Երբ կանգնած ես պատվո հարթակին, հատկապես առաջին աստիճանին, եւ հնչում է քո երկրի օրհներգը, աննկարագրելի զգացողություններ ես ունենում»,- «Զվարթնոց» օդանավակայանում ՀԱՕԿ լրատվականի հետ զրույցում ասաց ծանրամարտի Մ 23 տարեկանների Եվրոպայի չեմպիոն Գոռ Մինասյանը (105+ կգ):

Ծանրորդը նշեց, որ հատկապես հաճելի էր փոքր ոսկե մեդալ նվաճել հրում վարժությունում.

«Մոտ չորս տարի չէր հաջողվում դա անել, այնպես որ այստեղ էլ նոր զգացողություններ ունեցա: Միշտ հաճելի է գիտակցել, որ լավ գործ ես արել երկրիդ համար, եւ քո պատվին բարձրանում է դրոշը եւ հնչում հայրենիքի օրհներգը»,-նշեց նորընծա չեմպիոնը:

Գոռ Մինասյանը ընդգծեց նաեւ ՀԱՕԿ նախագահ Գագիկ Ծառուկյանի՝ անձամբ օդանավակայան գալու եւ ծանրորդների թիմին դիմավորելու կարեւորությունը.

«Մշտապես ցուցաբերվող ուշադրությունը պարոն Ծառուկյանի կողմից, անձամբ ինձ շատ է ոգեւորում եւ խթան է, որ շարունակեմ համառորեն մարզվել եւ հասնել նոր հաղթանակների», - ասաց Գոռ Մինասյանը:

Այլ նորություններ