Մինսկում ընթացող շախմատի Եվրոպայի տղամարդկանց անհատական առաջնության յոթերորդ տուրից հետո Հայաստանի ներկայացուցիչներից լավագույն արդյունքը միջազգային վարպետ Արման Միքայելյանինն է (5,5 միավոր, 13-րդ տեղ):

Մինչ այդ առաջատարների շարքում գտնվող Հրատ Մելքումյանը պարտություն կրեց եւ 5 միավորով նահանջեց 18-րդ հորիզոնական: Նույնքան միավոր ունեն նաեւ Արման Փաշիկյանը (34-րդ տեղ), Վահե Բաղդասարյանը (43), Սերգեյ Մովսիսյանը (46):

Առաջնության արդյունքներով 22 լավագույն շախմատիստներն Աշխարհի գավաթի մասնակցության իրավունք կստանան:

Մինսկում ընթացող Եվրոպայի առաջնության յոթերորդ տուրին ներկա է եղել ՀՀ սպորտի եւ երիտասարդության հարցերի նախարար, ՀԱՕԿ գլխավոր քարտուղար Հրաչյա Ռոստոմյանը:

Լուսանկարը` մրցաշարի պաշտոնական կայքի