Մելանյա Ստեփանյան. Գեղասահորդները պատրաստվում են Հելսինկիում կայանալիք աշխարհի առաջնությանը

13:09 - 13 Փետ, 2017

Հայ գեղասահորդները պատրաստվում են աշխարհի առաջնությանը, որը կկայանա մարտի 29-ից ապրիլի 2-ը` Հելսինկիում: Գեղասահքի ֆեդերացիայի նախագահ Մելանյա Ստեփանյանը ՀԱՕԿ լրատվականի հետ զրույցում խոսեց առաջնության նախապատրաստական աշխատանքների մասին.

«Sophia Trophy» միջազգային երկրորդ մրցաշարում ցուցադրած հաջող ելույթից հետո Սլավիկ Հայրապետյանը կմեկնի Ադլեր`  օլիմպիական չեմպիոն Ալեքսեյ Ուրմանովի մոտ, որը վերջին շրջանում աշխատում է մեր մարզիկի հետ:

Անաստասիա Գալուստյանին կմարզվի Մոսկվայում, նաև կնախապատրաստվի փետրվարի վերջին Ամստերդամում կայանալիք միջազգային մրցաշարին: Փոխել ենք նրա ազատ ծրագիրը, ինչի վրա էլ հիմա նա աշխատում է:

Թինա Կարապետյան/Սիմոն պրու Սենեգալ պարային զույգը մինչև Հելսինկի մեկնելը կմարզվի Կանադայում:

Աշխարհի առաջնությանը մեր մարզիկները կպայքարեն օլիմպիական վարկանիշի համար, իսկ  դրա համար անհրաժեշտ է տեղ զբաղեցնել  20  լավագույնների մեջ:

2018 թվականի ձմեռային օլիմպիական խաղերում հայտնվելու վերջին հնարավորությունը կլինի սեպտեմբերին Օբերստդորֆում կայանալիք ընտրական փուլը»,- ասաց Մելանյա Ստեփանյանը:

 

 

Այլ նորություններ