«Ճանապարհ դեպի Ռիո». Աթլետ Գոռ Ներկարարյան

10:40 - 15 Հուլ, 2016

Հայաստանի ազգային օլիմպիական կոմիտեի պաշտոնական կայքը «Ճանապարհ դեպի Ռիո» նախագծում ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիական լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:

Մեր նախագծի հաջորդ մարզիկն աթլետ Գոռ Ներկարարյանն է (հեռացատկ), ով Օլիմպիական խաղերի ուղեգիր նվաճեց Ուկրաինայում կայացած վարկանիշային մրցաշարում: Նա ծնվել է 1993 թվականին Վանաձոր քաղաքում: Աթլետիկայով զբաղվում է 13 տարեկանից: Մինչ աթլետիկայով զբաղվելը՝ Գոռը հասցրել է իր ուժերը փորձել նաև ֆուտբոլում և մարմնամարզությունում:

Նա Բրազիլիայում ապրելու փորձ ունի, քանի որ մոտ 1,5 տարի ապրել և մարզվել է այնտեղ: Իր խոսքով՝ արդեն ծանոթ է բրազիլացիների «նիստ ու կացին», Ռիոյին և գիտի, որ բրազիլացիների շարքերում կգտնվեր մարդիկ, ովքեր կերկրպագեն հայ մարզիկներին:

 

-Խաղերին ի՞նչ թալիսման ես հետդ տանելու:

-Նման բաների լուրջ չեմ վերաբերում:

-Ու՞մ կուզեիր կողքիդ կամ հանդիսատեսի շարքում տեսնել:

-Առաջին հերթին ծնողներիս, բայց նրանց ներկայությունը գուցե ավելի կմեծացնի լարվածությունը:

-Նկարագրիր Օլիմպիական խաղերը երեք բառով:

-Պայքար, ուժեղագույնների մրցակցություն և լավագույնի ձգտում:

-Ո՞ւմ հետ ես առաջինը կիսելու հաջողությունդ:

-Հայ և բրազիլացի մարզիչներիս հետ:

-Ինչպե՞ս կուզես, որ հիշվեն այս Օլիմպիական խաղերը:

-Լավ արդյունքով:

 

Աթլետներ՝ Գայանե Չիլոյան

Լիլիթ Հարությունյան

Լևոն Աղասյան

Դիանա Խուբեսերյան

Ամալիյա Շարոյան

Մարմնամարզիկներ՝ Հուրի Գեբեշյան

Հարություն Մերդինյան

Արթուր Դավթյան 

Ըմբիշներ՝ Լևան Բերիանիձե

Գեորգի Կետոև

Դավիթ Սաֆարյան

Գառնիկ Մնացականյան

Արթուր Ալեքսանյան

Մաքսիմ Մանուկյան 

Միհրան Հարությունյան

Արսեն Ջուլֆալակյան

 Հրաձիգ՝ Հրաչ Բաբայան

Բռնցքամարտիկներ՝  Նարեկ Աբգարյան

 Արամ Ավագյան

Վլադիմիր Մարգարյան

 Արթուր Հովհաննիսյան

Պաշտոնական գործընկեր՝ Ucom 

ՀԱՕԿ լրատվության բաժին 

Այլ նորություններ