Նորություններ

ՕԼԻՄՊԻԱԿԱՆ ԽԱՂԵՐԻ ԲՐՈՆԶԵ ՄԵԴԱԼԱԿԻՐ ՅՈՒՐԻ ՊԱՏՐԻԿԵՎԸ ԴԱՐՁԱՎ ԱՇԽԱՐՀԻ ՓՈԽՉԵՄՊԻՈՆ

08.09.2010

Մոսկվայում ընթացող հունահռոմեական ըմբշամարտի աշխարհի առաջնությունում սեպտեմբերի 7-ին կայացան ևս երեք քաշային կարգերի մասնակիցների գոտեմարտերը: Սպասելիքներն արդարացրեց օլիմպիական խաղերի և աշխարհի նախորդ առաջնության բրոնզե մեդալակիր,գերծանրքաշային Յուրի Պատրիկեևը:

Նա հաղթանակներով իր համար ուղի հարթեց դեպի եզրափակիչ: Վճռական գոտեմարտում Պատրիկեևի մրցակիցը Պեկինի օլիմպիական խաղերի և աշխարհի եռակի չեմպիոն, կուբացի Նունյես Լոպեսն էր: Չեմպիոնը հավատարիմ մնաց իր կոչմանը և հաղթանակ տոնեց, իսկ Յուրի Պատրիկեևը գրավեց երկրորդ տեղը: Պատրիկեևի նվաճած արծաթե մեդալը գոհացնող է, մանավանդ,որ նա բարելավեց իր արդյունքը:

Հայաստանի ներկայացուցիչներ Վահան Ջուհարյանը /60կգ / և Դենիս Ֆորովը /84կգ / նախնական փուլերում ձախողվեցին և դուրս մնացին մեդալների համար պայքարից:

Հիշեցնենք, որ նախօրյակին բրոնզե մեդալ էր նվաճել Ռոման Ամոյանը /55կգ /:

Այսօր` սեպտեմբերի 8-ին մրցագորգ կելնի Հայաստանի վերջին` յոթերորդ պատվիրակ Արսեն Ջուլֆալակյանը /74կգ /:

ՀԱՕԿ-ի մամուլի ծառայություն

Վերադառնալ

Բոլոր նորությունները »

Նորությունների Արխիվ

Օլիմպիական խաղեր

մնացել է 921 օր
մնացել է 731 օր
մնացել է 171 օր
մնացել է 1641 օր

Կայքի նախագծումը և պատրաստումը